Ylli i Interit, Marcelo Brozovic mund të qëndrojë jashtë fushës për një muaj pasi pësoi një lëndim gjatë përfaqësimit të Kroacisë.

Reprezentuesi kroat çaloi në fusha gjatë përballjes së kombëtares së tij kundër Austrisë.

Sipas Gazzetta, ai do t’i nënshtrohet ekzaminimeve mjekësore, por Interi pret që mesfushori të qëndrojë jashtë fushës për tre deri në katër javë.

Brozovic dyshohet se ka pësuar një lëndim të muskulit të këmbës së majtë.

29-vjeçari pritet që nesër të kthehet në Itali pas ndeshjeve në Kroaci. Trajneri Zlatko Dalic ka konfirmuar se Brozovic mund të qëndrojë jashtë fushës për një muaj.

Nëse diagnoza konfirmohet, lojtari do të kthehet në aksion në fund të tetorit. Sipas La Gazzetta, mesfushori nuk do të nxitojë të kthehet në fushë për të shmangur mungesën në Kupën e Botës, e cila fillon më 20 nëntor.

Brozovic është një nga lojtarët kryesorë të Interit dhe ka shënuar dy gola në nëntë paraqitje në të gjitha garat këtë sezon.

 

Share.