Ministrja e Punëve të Jashtme dhe Diasporës, Donika Gërvalla, ka thënë se po punojnë intensivisht për forcimin e subjektivitetit ndërkombëtar të Kosovës, anëtarësimin në organizata ndërkombëtare dhe arritjen e njohjeve të reja.
Gjatë raportimit në Komisionin parlamentar për punë të jashtme, kryediplomatja kosovare tha se kanë bërë progres të rëndësishëm për anëtarësim në Këshill të Evropës.
Ajo tha se pret që anëtarësimi në KiE të jetë çështje muajsh dhe jo vitesh.
Ndërkaq, nënvizoi se fokusi kryesor është anëtarësimi në NATO.
/TV Malisheva
