Një burrë është arrestuar sot në fshatin Firajë të Gjakovës për veprën penale “Mbajtje në pronësi, kontroll ose posedim të paautorizuar të armëve”.
Policia ka informuar se të arrestuarit i është gjetur një pushkë gjysmë automatike.
“Stacioni Policorë-Gjakovë në zbatim të urdhër kontrollit të lëshuar nga Gjykata, me datën 28.01.2023 ka kryer kontroll në vendbanimin e të dyshuarit në fshatin Firajë-Gjakovë. Gjatë kontrollit në posedim të tij është gjetur një pushkë gjysmë automatike. Në cilësinë e të dyshuarit është intervistuar personi R. K., i lindur në vitin 1993, shtetas i Republikës së Kosovës mbi dyshimin për mbajtje në pronësi, kontroll ose posedim të paautorizuar të armës.”, ka bërë të ditur PK.
Pas intervistimit me vendim të Prokurorit të Shtetit, i dyshuari është liruar në procedurë të rregullt.
“Ndaj tij është iniciuar rast “Mbajtje në pronësi, kontroll ose posedim të paautorizuar të armëve””, ka informuar tutje Policia.
/TV Malisheva
