Ekipi nga Kosova i xhudos ka mbyllë garat në Grand Prix Alamada të Portugalisë me një medalje të artë, njëkohësisht e para kjo për vitin 2022.
Mbrëmë, xhudistja shtetase nga Kosova Distria Krasniqi në kuadër të kategorisë deri në 52 kilogramë, në finale e mposhti xhudisten kroate Ana Viktorija Puljiz, kështu duke e fituar të artën në këtë garë.
Ndërkaq, sot këtë garë e ka vazhduar xhudistja Laura Fazliu, e cila në kategorinë deri në 63 kilogramë pësoi humbje qysh në raundin e dytë.
Fazliu raundin e parë e kaloi pa luftë, kurse në të dytin u mposht nga xhudistja franceze Melodie Turpin./TV Malisheva
