Një person është arrestuar nën dyshimin se ka kryer veprën “Keqpërdorim i detyrës zyrtare”, duke asistuar dëshmitarin i cili iu ka nënshtruar testit për patent-shofer në Gjilan.
Sipas raportit, janë sekuestruar për procedura të mëtutjeshme hetimore disa pajisje që dyshohet se shërbejnë për kryerjen e testit.
Ndërkaq, me vendim të prokurorit i dyshuari është dërguar në mbajtje.
Rasti është inicuar si keqpërdorim i detyrës zyrtare
“Gjilan 02.02.2023 – 10:10. Është arrestuar i dyshuari mashkull sh/k nën dyshimin se ka kryer veprën e lartcekur duke asistuar dëshmitarin mashkull sh.k i cili iu ka nënshtruar testit për patentë shofer. Janë sekuestruar për procedura të mëtutjeshme hetimore disa pajisje që dyshohet se shërbejnë për kryerjen e testit. Me vendim të prokurorit i dyshuari është dërguar në mbajtje”, thuhet në raportin e policisë. /TV Malisheva
