Matt Doherty këmbëngul se mungesa e minutazhës së tij në Tottenham këtë sezon nuk ka qenë një burim zhgënjimi.
Pas rindërtimit të karrierës së tij në veri të Londrës pas emërimit të Antonio Contes në krye të Tottenhamit, Doherty humbi shtatë ndeshjet e fundit të sezonit për shkak të një lëndimi në gju.
Ndërsa 30-vjeçari është rikthyer nga ai lëndim, Conte i ka ofruar atij vetëm tetë minuta lojë në të gjitha garat me Ivan Perisic dhe Emerson Royal të preferuar në krahun e djathtë, përcjell KosovaPress.
Megjithatë, futbolli i klubeve do t’i rikthehet aksionit pas ndeshjeve ndërkombëtare, përpara Kupës së Botës në Katar, duke i ofruar Dohertit shpresë për minuta në ekipin e parë.
Ish-mbrojtësi i Wolves kishte kaluar kryesisht një kohë të vështirë te Tottenhami, por arriti formën pas ardhjes së Contes, duke shënuar dy herë dhe duke regjistruar po aq asistime në shtatë ndeshjet e tij të fundit.
Duke folur për “Irish Mirror”, Doherty tha: “Unë nuk jam i frustruar. Unë e kuptoj se nga vijnë vendimet e trajnerit, nga ku ai mendoi se ishte fitnesi im dhe ai kishte të drejtë në fund të ditës”.
“E di që ai më beson, e di që sapo të kthehem sërish, ai e di se çfarë mund të bëj për të. Sapo të mendojë se jam i gatshëm, jam i sigurt se do të më japë më shumë kohë”, shtoi Doherty.
