Mbrojtësi i Fiorentinës, Nikola Milenkoviç është synim i dy skuadrave të mëdha italiane, Milan dhe Napoli.
Siç raporton Le 10 Sport, dy skuadrat tanimë kanë nisur edhe kontaktet e para me drejtuesit e Fiorentinës për transferimin e lojtarit, transmeton KosovaPress.
Fiorentina është e gatshmë të lë të lirë 22 vjeçarin, nëse marrin një ofertë prej 30 milionë euro gjatë afatit kalimtar të verës.
Napoli e sheh lojtarin si zëvendësues të Kalidou Koulibaly, i cili është afër transferimit në Liverpool, ndërsa Milan kërkon që me 22 vjeçarin ta përforcojë edhe më shumë mbrojtjen./Tv Malisheva
