Pep Guardiola duke bërë shaka tha se e largoi Erling Haaland nga loja, që të sigurohet që ai të ketë ende objektiva të tjera për t’i arritur.
Haaland shënoi pesë gola në fitoren 7:0 kundër RB Leipzigut, dhe Guardiola e largoi nga loja në minutën e 63′ duke mos e lejuar norvegjezin të kompletonte një hat-trick të dyfishtë, raporton TV Malisheva.
Ylli norvegjez theu rekord pasi ai shënoi pesë gola në 35 minuta, duke u bërë lojtari më i ri që arrin 30 gola në Ligën e Kampionëve, dhe më i shpejti për ta bërë këtë, dhe duke iu bashkuar vetëm Lionel Messit dhe Luiz Adrianos që shënuan pesë gola në një ndeshje të vetme të Ligës së Kampionëve.
I pyetur pse e bëri këtë ndryshim, Guardiola tha: “Nëse ai e arrin këtë moment historik në moshën 22, 23 vjeç, do të jetë e mërzitshme, jeta e tij. Tani ai ka një objektiv, prandaj bëra zëvendësimin”.
“Nuk e kam ditur këtë gjë për Messin (që ka pesë gola ndaj Bayer Leverkusenit), por normalisht kur ndeshja përfundon dua t’i lejojë të gjithë lojtarët të luajnë sa më shumë që është e mundur”, tha më tej Guardiola.
/TV Malisheva
