Qytetarët në Ballkanin Perëndimor duan paqe dhe kushte të mira jetese, gjë që më jep shpresë, por rajoni ka nevojë për lidership politik që do t’u përgjigjet atyre aspiratave, tha senatori amerikan Peter Welch, i cili komentoi çështjet urgjente në rajon.
Ndër të tjera, ai tha se Serbia duhet të jetë bashkëpunuese në hetimin e sulmit në Banjskë.
Welch, një senator demokrat nga Vermonti dhe një anëtar i Komitetit të Shërbimeve të Armatosura, foli për Zërin e Amerikës pas një vizite të fundit në Ballkanin Perëndimor ku qëndroi me senatoren Jean Shahin.
Senatorët amerikanë u takuan me zyrtarë të lartë të Qeverisë, liderë lokalë dhe sektorin civil në Kosovë, Mal të Zi, Bosnje dhe Hercegovinë dhe Maqedoninë e Veriut për të “përcjellë mbështetjen e vazhdueshme të SHBA-së për aleatët në dritën e agresionit rus kundër Ukraina dhe pasojat e saj për sigurinë në rajon”.
Ai foli për zhvillimet në Kosovë pas sulmit terrorist në Banjskë, teksa tha se ajo që ndodhi është e tmerrshme dhe çon në përshkallëzim të dhunës politike.
Senatori Welch tha se Serbia duhet të bashkëpunojë plotësisht për hetimin e rastit.
“Më 24 shtator humbi jetën një polic dhe është tragjike dhe e tmerrshme. Ajo gjithashtu çon në një përshkallëzim të dhunës politike. Ne besojmë se Serbia duhet të jetë bashkëpunuese në hetim. Senatori Sahin dhe unë po bëjmë thirrje për një hetim të plotë dhe gjithëpërfshirës për të përcaktuar përgjegjësinë dhe ky proces është në vazhdim. Nuk e dimë se cili do të jetë rezultati i gjithë kësaj, por mendojmë se është me rëndësi vendimtare që të përcaktohet përgjegjësia dhe që Serbia të bashkëpunojë plotësisht në këtë hetim”, u shpreh ai.
Welch shtoi se se janë të shqetësuar me zhvillimet e fundit dhe me mos depërshkallëzimin e situatës.
“Shtetet e Bashkuara dhe senatorët mund të rrisin nivelin e vëmendjes dhe t’i nxisin liderët atje të bëjnë gjithçka që munden për të de-përshkallëzuar situatën. Por ne jemi të shqetësuar për këtë. Ne jemi të shqetësuar për atë që kemi parë me retorikën e përshkallëzuar me Serbinë dhe Kosovën dhe, natyrisht, atë që kemi parë në Bosnje dhe Hercegovinë”, u shpreh senatori Welch.
/TV Malisheva
