Kanë përfunduar të dy ndeshjet e programit të sotëm të Superligës së Shqipërisë, ku kemi rezultate tejet interesante.
Pas plot 90′ minutave lojë të zhvilluara në stadiumin “Adush Muca”, skuadra e Bylisit e ka befasuar Vllazninë duke e mposhtur me rezultat minimal 1:0.
Golin e vetëm të ndeshjes e shënoi Felipe Ferreyra Souza, i cili i siguroi fitoren Bylisit me golin e tij në minutën e 59′.
Me pikët e reja, Bylisi ngjitet në vendin e shtatë në tabelë në kuotën e 20 pikëve, krahas Vllaznisë që zë vendin e tretë me 28 pikë të arkëtuara.
Ndërkaq, krahas këtij takimi u zhvillua edhe përballja tejet interesante mes Laçit dhe Kastriotit, ku ky i fundit pësoi humbje me shifrat 4:1.
Golat për Laçin i shënuan Shkurtaj (minuta e 16′), Spahiu (minuta e 31′), Akinyemi (minuta e 49′) dhe Geci (minuta e 90+2′), kurse golin e nderit për Kastriotin e shënoi Joan Cela në minutën e 81′ të ndeshjes.
Me pikët e reja, Laçi renditet në vendin e gjashtë në kuotën e 23 pikëve, krahas Kastriotit që zë vendin e tetë me 19 pikë të arkëtuara.
Rezultatet finale të ndeshjeve të sotme në Superligën e Shqipërisë i gjeni më poshtë.
Bylisi 1:0 Vllaznia
Laçi 4:1 Kastrioti
/TV Malisheva
