AC Milan ka konfirmuar zyrtarisht blerjen e klubit nga RedBird Capital pasi Elliott Management vendosi të shesë shumicën e aksioneve të tyre.
Klubi njoftoi marrëveshjen e shumëpritur në Twitter dhe uebsajtin e tyre të mërkurën në mëngjes, përcjellë TV Malisheva.
Në deklaratë thuhet se kalimi në pronësinë e re do të bëhet gjatë verës me një datë mbylljeje të parashikuar jo më vonë se shtatori 2022.
Deklarata nga Milani konfirmoi gjithashtu se marrëveshja arrin në 1.2 miliardë euro dhe do të shohë Elliott të mbajë një interes financiar të aksioneve në klub në vazhdim. Ata do të kenë edhe vende në Bordin e Drejtorëve.
Qëllimi i përgjithshëm i marrëveshjes është që Elliott dhe RedBird Capital të vazhdojnë përparimin që është bërë gjatë katër viteve të fundit ndërsa Elliott kanë qenë pronarë.
