Më 12 shtator do të bëhet prezantimi i iPhone 15. Ngjarja do të mbahet në Teatrin Steve Jobs në selinë e kompanisë në Cupertino, Kaliforni.
iPhone 15 dhe iPhone 15 Plus do të kenë një portë karikimi USB-C, pasi Apple duhet të respektojë rregulloren e BE-së, ndërsa modelet Pro do të kenë korniza titani në vend të një kornize çeliku inox.
Apple ka vite që i është kthyer titanit, duke dashur t’i bëjë celularët e saj më të lehtë. Sa i përket portit të karikimit, kompania kishte adoptuar lidhësin Lightning që nga viti 2012, por kjo do të ndryshojë domosdoshmërisht këtë vit. USB-C është përdorur nga shumica e pajisjeve elektronike prej vitesh, përfshirë iPad Pro të Apple.
Vitin e kaluar, Bashkimi Evropian miratoi Direktivën e Përbashkët të Karikuesve, që do të thotë se nga viti 2024, pajisjet elektronike si telefonat celularë dhe tabletët do të duhet të pranojnë USB-C. Apple po konsideron gjithashtu rritjen e çmimit të modeleve iPhone Pro sipas Bloomberg.
Kujtohet se në tremujorin e tretë Apple kishte ulur të ardhurat me 1.4% dhe nëse ky kurs vazhdon edhe për një tremujor, do të jetë seria më e gjatë e rënieve në njëzet vjet.
Shitjet e iPhone ranë 2.4% në 39.7 miliardë dollarë në tremujorin e tretë fiskal, kundrejt një vlerësimi prej 39.8 miliardë dollarësh.
/TV Malisheva
