Instituti Kombëtar i Shëndetësisë Publike të Kosovës ka lutur qytetarët t’i përmbahen rekomandimeve të institutit dhe mos dilni në grumbuj gjatë orëve të lira të lëvizjes sepse janë duke rrezikuar veten dhe familjet e tyre.
Instituti i ka shprehur ngushëllime familjarëve të dy viktimave të sotme me COVID-19, derisa ka rekomanduar të gjithë qytetarët t’i ruajnë të moshuarit.
“Në Evropë kanë vdekur më shumë se 50.000 njerëz. Në Prishtinë, po vërehen dalje masive në orët e lira të lëvizjes. Grumbuj të njerëzve që po rrezikojnë veten dhe të gjithëve. Ju lutem kini kujdes se mund të shkaktoni shpërthim epidemik në kryeqytet. Në Brezovicë e Prevallë janë mbledhur grumbuj të njerëzve. Kjo është e rrezikshme. Virusi nuk ka këmbë. Mos ia jepni këmbët ju”, thuhet në një postim të institutit.
Instituti ka kërkuar nga qytetarët që ta ndihmojnë për ta kryet punën sublime dhe mundohuni të zbatoni secili detyrën e juaj duke ruajtur shëndetin tuaj.
“Shikoni ju lutem valën epidemike në shtetet e Europës, veni gishtin në kokë dhe mendoni. Mos pengoni ekipet e Institutit me pyetje të cilat i keni mësuar tashmë nga rekomandimet e Instituti Kombëtar dhe Ministrisë së Shëndetësisë. Na ndihmoni ta kryejmë punën sublime dhe mundohuni të zbatoni secili detyrën e juaj duke ruajtur shëndetin tuaj. Ju kemi lënë të pushoni dhe jo secili të marr detyrën e epidemiologut duke pyetur detaje, duke u munduar të rikonstruktojnë çdo vatër infeksioni, duke u zhytur në kurreshtjen e njohjes së çdo procedure të hulumtimit. Pushoni dhe vetëm pushoni që të na lini të punojmë. Ju gjendeni në shtëpitë e juaja me familiar. Ne akoma gjendemi në punë pa orar nga 15-20 orë! Për ju”, thuhet në postimin e institutit./ Tv Malisheva
