Dy persona janë arrestuar mbrëmjen e së mërkurës për shkak se dyshohet që kanë kryer veprën penale “vrasje në tentativë” në Kaçanik.
Sipas raportit të Policisë së Kosovës, dy të dyshuarit janë intervistuar dhe me vendim të prokurorit janë dërguar në mbajtje.
“Në lidhje me rastin është raportuar se me 31.03.2021 janë arrestuar dy të dyshuarit meshkuj kosovar nën dyshimin se të njëjtit e kanë kryer veprën penale. Të njëjtit janë intervistuar dhe me vendim të prokurorit janë dërguar në mbajtje . Rasti është duke u hetuar”, thuhet në njoftimin e Policisë.
Dy të dyshuarit në mbrëmjen e 7 marsit kishin gjuajtur me armë zjarri një person kështu duke i shkaktuar lëndime trupore. /TV Malisheva
