Lajme

    Escobar e takon opozitën pas orës 19:00- ‘Darka e Punës’ zhvillohet në Rezidencën e ambasadorit amerikan

    I dërguari amerikan për Ballkanin Perëndimor, Gabriel Escobar dhe i dërguari i posaçëm i Bashkimit Evropian për dialogun mes Kosovës dhe Serbisë, Miroslav Lajçak do të qëndrojnë sot pasdite për vizitë në Prishtinë.

    Ardhjen e tij e ka konfirmuar zëdhënësi i Departamentit amerikan të Shtetit, Ned Price, i cili në një konferencë për media tha se vizita e tij në Prishtinë dhe Beograd është për vazhdim të mbështetjes së dialogut.

    Gjatë kësaj vizite Escobar pritet të takohen me krerët e shtetit dhe liderët e partive opozitare në vend.

    Me liderët e partive opozitare, Escobar do të zhvillojë një darkë pune e cila organizohet nga ambasadori amerikan në Kosovë, Jeff Hovenier.

    Pjesëmarrjen në këtë darkë e kanë konfirmuar nga partia e PDK-së dhe AAK-së.

    “Po kryetari i PDK-së, Memli Krasniqi do të marrë pjesë në darkën e punës me z.Escobar e cila do të mbahet pasdite”, kanë deklaruar nga PDK.

    Prezent do të jetë edhe kryetari i AAK-së, Ramush Haradinaj.

    “Po, Haradinaj merr pjesë në një darkë që organizohet në nder të z.Escobar nga ambasadori Hovenier”, kanë konfirmuar nga AAK./telegrafi

    Ndërkaq nga LDK nuk janë përgjigjur nëse kryetari Lumir Abdixhiku do të marr pjesë në këtë darkë.

    Vizita e Escobarit dhe Lajçakut vjen pas dështimit të arritjes së ndonjë marrëveshje mes Kosovës dhe Serbisë në takimin e 18 gushtit që pati kryeministri Kurti me presidentin serb Vuçiq, në Bruksel.

    /TV Malisheva

    Share.

    Të Ngjashme