Trajneri i Manchester Cityt, Pep Guardiola ka dalur në mbrojtje të përzgjedhjes dhe taktikave të tij në formacion pas humbjes 1-0 nga Chelsea, të shtunën në finalen e Ligës së Kampionëve. Ai tha se bëri atë që mendonte se ishte e drejtë për ta fituar këtë ndeshje.
Ai vendosi vendosi ta fillojë ndeshjen pa një mesfushor mbrojtës, ide të cilën shumë njohës të futbollit menduan se e la skuadrën ne tij të ekspozuar në defanzivë.
“Unë bëra atë që mendoja se ishte vendimi më i mirë,” tha Guardiola për “BT Sport”.
“Kevin de Bruyne u dëmtua por kjo ndodh në këtë garë dhe në këto lojëra. Ne kishim nevojë për të gjithë. Ambicia tani është të pushojmë, por pastaj të përgatitemi për sezonin e ardhshëm. Ishte hera e parë që ishim në këtë fazë. Shpresojmë se do të jemi përsëri këtu në të ardhmen.“, vazhdoi Pep.
“Ka qenë një sezon i jashtëzakonshëm për ne. Ishte një lojë e mirë. Ne patëm shanse. Ne ishim të shkëlqyeshëm në pjesën e dytë, ishim të guximshëm dhe nuk mund t’i shndërronim shanset në gol pasi ishin kaq të fortë. Lojtarët ishin të jashtëzakonshëm.”, përfundoi ai./TV Malisheva
