Ish-kryetari i komunës së Skenderajt, njërit kryetari i degës së PDK-së në këtë komunë, Sami Lushtaku, përmes një postimi në Facebook ka hedhur poshtë deklarimet e avokatit Gazmend Halilaj, i cili sipas tij ka bërë shpifje rreth atentatit të sotëm.
Ndërsa Lushtaku, thotë se do ta padit Halilajn dhe se i njëjti ka probleme të mëdha me personalitetin e tij:
Ky është postimi i plotë i Lushtakut:
Të dashur miq,
Para pak ditësh, një njeri me emrin Gazmend Halilaj, ka bërë shpifje të ulëta duke ma përmendur emrin për një rast inekzistent të para më shumë se 20 viteve. Këto shpifje vijnë nga njeriu i cili sipas mediave dhe njerëzve që e njohin, ka probleme të mëdha me personalitetin e tij.
Ai pos shumë skandaleve, së fundi është akuzuar se ka përdhunuar seksualisht një vajzë të mitur në Drenas. U mundua që të tjerëve të ua hedhë të zezat që i kishte bërë vetë ai.
Unë do ta konsultoj avokatin tim që të ushtroj padi kundër këtij shpifësi, i cili ka për qëllim që të fitojë famë duke u marrë unë më të. Për një ‘ngjarje’ tjetër që sot i paska ndodhur, përsëri më paska akuzuar mua. Ai ka për qëllim që ta mbajë vëmendjen e publikut dhe mediave duke me akuzuar mua. Ju bëj thirrje organeve të rendit që të zbardhin edhe ndodhinë e sotme mbi bazë të fakteve. Të tillët si soji i tij që kanë probleme personaliteti, duan famë.
Unë nuk mirrem e nuk kam kohë për të, aq më pak për një njeri që akuzohet për keqpërdorim seksual te një të miture. Ju garantoj 100% se këto janë shpifje më të cilat do të merret gjykata.
Shpejt do ta padis për shpifje që ka për qëllim dëmtimin e imazhit dhe personalitetit tim./ Tv Malisheva
